परिचय

नेपाली गजलहरुको ब्लग, नेपाली गजललाई देश विदेश सम्म पुर्याउन सुरु गरिएको एउटा प्रयास हो । साथै अहिले साहित्यको क्षेत्रमा सबैले मनपराएको रुचाएको र सबैको खोजी बनेको गजलका विषयमा जानकारी दिने हाम्रो कोसिश हुनेछ । मेची देखी काली सम्म र संसारका जुनसुकै कुनामा बसेर नेपाली साहित्य वा गजल लेख्नुहुने श्रष्टाका गजललाइ एउटै थलोमा समेट्ने अर्को प्रयास पनि हो हाम्रो । अनि नेपाली गजलको इतिहास देखी नेपाली गजलमा अहिले देखिएका प्रवृति सम्मको चर्चा पनि गर्ने वाचा गर्छौ । तर तपाई विना हाम्रो यो अभिलाशा पुर्ण हुदैन । त्यसैले हामीले तपाईको साथ पनि चाहेका छौ । तपाई पनि देश विदेश जुन सुकै ठाउँमा बसेर नेपाली गजल लेख्नुहुन्छ भने nepaligajal@gmail.com मा पठाउनुस र यसलाई नेपाली गजलहरुको सागरमा परिणत गर्न मद्दत गर्नुस । खहरे बनेर मिसिनुहोस यो यात्रामा अनि सागर बनाउनुहोस आफुलाई सिर्जनाको । धेरै खहरेहरु मिलेर न माहासागर बन्ने हो । त्यसैले आउनुस् साथ दिनुस नेपाली गजलको एउटा माहासागर निर्माण गरौ ।