गजल

_ निशा हमाल

पूरा हुँदैन जो त्यस्तो सपना साँचेर के फाइदा ।

मन रुन्छ त्यस्तो धूनमा, नाचेर के फाइदा ।

खोसिन्छौ की तिमि म बाट डर छ अझै मलाई,

ओइलियोस् पलभरमा त्यस्तो माला गाँसेर के फाइदा ।

हृद्य मेरो रुदैंछ यो पल–पल सम्झेर तिमीलाई,

छल्किन्छ आँशु, देखावटी हाँसो हाँसेर के फाइदा ।

सम्भव नहोला यो जिन्दगी अनुपस्थितीमा तिम्रो,

सोच्ने गर्छु उदास जीवन, बाँचेर के फाइदा ।

+ धनपा ४ उत्तरबेहडी, कैलाली