गजल

सागर बस्नेत “युद्धबिराम”

कति दिनसम्म तिम्रो शिर झुकाउछौ र ?
शरमले को को संग मुहार लुकाउछौ र ?

दुनियाँले तिम्रो असली रुप देखिसक्यो ,
झुक्याएर अब कस्को दिल दुखाउछौ र ?

स्वार्थले भिजेको तिमि शिरदेखी पाऊसम्म,
चिसो मन अब कुन घाममा सुकाउछौ र ?

जानी जानी बन्चरोले काट्यौ आफ्नै घुडा,
धिक्कार्दै आफैलाई किन खाटा उप्काउछौ र ?

जति झुठ बोलेपनि सत्यको नै जित हुन्छ,
चोखिनलाई आफु को को लाइ हप्काउछौ र ?