गजल

- प्रदिप चापागांइ
अनायासै मनको घाउ फुटेपछी ब्युँझिए म,
समयले संसार मेरो लुटेपछी ब्युँझिए म !!

बेहोसिले सिमा नाघी अचेत अचेत हुँदा पनि,
बल्ल आँसु वर्षा बनी चुटेपछी ब्युँझिए म !!

सारा बाटो बन्द भई जिवन हतकडी भयो,
सारा जग मै विरुद्ध जुटेपछी ब्युँझिए म !!

मर्यो ईच्छा तर्यो खोला गुनासो छैन अब,
अभिलाषा एक एक गरी टुटेपछी ब्युँझिए म !!

न त भगवान मेरो न त कुनै वरदान नै,
धड्कन सबै मुटु बाट छुटेपछी ब्युँझिए म !!